Paarlaaqatigiinneq, oqaatsinik nunani allani ilinniarneq & paasisassarsiorluni angalaneq

Tapiissutit annertussuseriikkat

Tapiissutit annertussuseriikkat annertussusaat piffissami 1. juni 2026-miit 31. maj 2027-mut atuuttussat.

Killigititat allat assigiiaamik suliassianut (standardsager)

Paarlaaqatigiinnikkut nunami allami atuarnermut (ukioq atuarfik iluitsoq ataaseq), nunani allani minnerpaamik qaammatit arfinillit sivisussuseqartumik oqaatsinik ilinniagaqarniarnermut, meeqqallu atuarfiini atuartut paasisassarsiorlutik angalanissaannut tapiiffigeqqulluni qinnuteqaatit ataavartumik suliarineqartarput.

Efterskolernernut højskolernernulluunniit aningaasaateqarfik tapiineq ajorpoq.

Paarlaaqatigiinneq – udvekslingsophold

Siusinnerpaamik qinnuteqarsinnaavutit aallartinnissat qaammatinik marlunnik sioqqullugu.
Qinnuteqartinnak aamma bekræftelse-mik pisimaqqaassaatit, taannalu pisariaqartipparput.
Naliginnaasumik ukioq atuarfik ataaseq – ataasiarluni.
Qinnuteqarnerup nalaani inaarummik akuersissummik peqartoqassaaq.
Aallarnerup nalaani 18-liisimannginnissaq pisariaqarpoq, kiisalu angalasussaq peqqinnissap tungaatigut allatigullu sillimmaserneqarsimappat.
Kiisalu qinnuteqartoq Nunatsinnut atassuteqartariaqarluni.

12.000 kr.paarlaaqatigiinnikkut nunani allani atuartumut ataatsimut, ataasiaannarluni

Oqaatsinik ilinniarneq nunami allami

Siusinnerpaamik qinnuteqarsinnaavutit aallarnissaq qaammatinik marlunnik sioqqullugu.
Minnerpaamik qaammatit 6-it – ataasiarluni.
Qinnuteqarnerup nalaani inaarummik akuersissummik peqartoqassaaq.
Aallarnerup nalaani 18-liisimannginnissaq pisariaqarpoq.
Kiisalu qinnuteqartoq Nunatsinnut atassuteqartariaqarluni.

10.000 kr.oqaatsinik ilinniarnermut, ataasiaannarluni

Paasisassarsiorluni angalanerit

Siusinnerpaamik qinnuteqarsinnaavutit aallarnissaq qaammatinik marlunnik sioqqullugu.
Meeqqat atuarfiini atuartunuinnaq naliginnaasumik 9. klassit aamma klasseni allani atuartut aamma innarluutilinnut atuarfiini atuartut – ataasiarluni.
Taamaallaat atuaqatigiit amerlassusaat tapiinermut allaaviusarlutik, angallassisut tapiiffigineq ajorpavut. Taamaammat atuartut amerlassusaat qinnuteqaammi ersitsinneqassaaq.
Kiisalu qinnuteqartoq Nunatsinnut atassuteqartariaqarluni.

1.250 – 3.000 kr.meeqqat atuarfianni atuartoq ataaseq, illoqarfik apeqqutaalluni (ataani takukkit)

Aalajangersuutaareersunik tapiinernut annertussusiinerit

NunaFonden aalajangersariikkanit makkuninnga tapiisarpoq:

Tapiissut	Aningaasat
AFS (paarlaaqatigiinneq – udveksling) Paarlaaqatigiinneq, ukioq atuarfik ataaseq	12.000,00 kr.
Oqaatsinik ilinniarneq nunani allani Minnerpaamik qaammatit 6-it	10.000,00 kr.
Paasisassarsiorluni angalaneq – Ilulissat, Sisimiut, Nuuk & Qaqortoq Meeqqat atuarfianni atuartoq ataaseq	1.250,00 kr.
Paasisassarsiorluni angalaneq – Qaanaaq, Upernavik, Uummannaq, Qeqertarsuaq, Qasigiannguit, Aasiaat, Kangaatsiaq, Maniitsoq, Paamiut, Narsaq, Nanortalik & Tasiilaq Meeqqat atuarfianni atuartoq ataaseq	1.750,00 kr.
Paasisassarsiorluni angalaneq – nunaqarfinnut tamanut & Ittoqqortoormiit Meeqqat atuarfianni atuartoq ataaseq	2.500,00 kr.
Paasisassarsiorluni angalaneq – innarluutilinnut atuarfiusunut Meeqqat atuarfianni atuartoq ataaseq	3.000,00 kr.

Najukkami eqqaanut paasisassarsiorlutik angalanerit immikkut nalilersorneqartarput, tapiissutillu aalajangersuutaareersunit minnerusinnaapput.

Qinnuteqarit