Paasissutissat nutaarsiassallu

Imminut toqunneq – inuiaqatigiinni ajornartorsiut

NunaFonden-ip takusassiatitaliaa: Imminut toqunneq – inuiaqatigiinni ajornartorsiut.

Imminut toquttoqartarnera nipangiutiinnarlugu akueriinnassavarput?

Qinnuteqarnissamut killigititat atuuttut

Aningaasaateqarfik qinnuteqarnissamut killigititanik aalajangersimasunik atuisarpoq. Qinnuteqaatit 100.000 kr. ataallugit qaammatit tamaasa suliarineqartarput, qinnuteqaatillu 100.000 kr-niniit qummut ukiumut pingasoriarlutik suliarineqartarput.

Siusinnerusukkut qinnuteqartoqarsinnaavoq, kisianni imatut siusitsiginngitsumik, tapiissutaasinnaasut sivisuumik atorneqaratik uninngaannartunngornagit. Qinnuteqaateqartut tamarmik, qinnuteqartup piviusunngortilersaagaat killigititanut naammassiinngitsut, allaffissornikkut itigartitsissummik akineqassapput.

Uani najugaqarpugut – tikilluarit

H.J. Rinksvej 5, 105 – Nuuk Center-ip kangimut H.J. Rinksvej-ip illuatungaani.

Allaffik inoqanngissagaluarpat isaariami allakkanut nakkaatitsiveqarpoq.

Aqutsisoq mobil-eqarpoq +299 55 07 77.

Nalunaarusiortoqarnera pitsaaneruleraluarpoq

Nalunaarusianit nalunaarsuineq 10. februar 2023

Akuersissutit tamarmik piumasaqaatitaqarput aningaasat qanoq sumullu atorsimanerinik piffissaq aalajangersimasoq nalliutsinnagu nalunaarusiortoqarsimassasoq. Maanna akuersissummik pisimasut 84,49 %-iinnaat nalunaarusiorsimapput – tamanna suli pitsaanerusinnaagaluarpoq.

• 25. maj 2022 nalunaarusiorneq 54,34 %-iuvoq.
• 9. august 2017 nalunaarsuineq 50,32 %-iuvoq.
• 20. oktober 2015 nalunaarsuineq 46,41 %-iuvoq.

Tamanna akuersissummik pisimasut aaqqiiffigisariaqaraluarpaat, tassami siusinnerusukkut tapiiffigineqarsimasut nalunaarusiorsimanngitsut qinnuteqaqqikkaluarunik akuersissummik tuninissaat assut ajornakusoormat, immaqalu ilumoornerulluni oqaraanni ajornakusoorluni.

Neriuppugut piffissami aggersumi nalunaarusiutit amerlasuut tigujumaarlutigit. Eqqaamaqqunarpoq nalunaarusiornermi qinnuteqaatip normuata eqqaaneqarnissaa.

Eqqaaqqinneqassaaq – qinnuteqartoqarpat siusinnerusukkut akuersissummut suli nalunaarusiorsimanngitsunik allatut ajornartumik akuersissummik pinissaq ajornakusoorsinnaavoq. Siusinnerusukkut akuersissummik pisimaguit ilinnut ikiorluarniaruit qanittukkut nalunaarusiortariaqarputit.

Aningaasaateqarfiup ukiumoortumik nalunaarusiai

Aningaasaateqarfiup ukiumoortumik nalunaarusiai 2001-imiit tamarmik PDF-itut aaneqarsinnaapput. NunaFonden-ip ukiua naatsorsuiffiusoq 1. juni-miit 31. maj-imut ingerlasarpoq.