Tamanut susassaqartitsiffiusut

Katuaq

Katuaq-p sanaartorneqarnerani NunaFonden aningaasaliisut pingaarnerit akornaniippoq, nunarsuaq tamakkerlugu aningaasarliornerup pinissaanut aningaasaateqarfik Katuaq-llu piorsarsimassusilerinernut atasunut ukiup pingasukkaarlugit atuuttumik isumaqatigiissuteqarpoq. Isumaqatigiissummut atorunnaarsimasumut ukiumoortumik tapiineq annertussuseqarpoq 200.000,00 koruuninit.

Nunarsuaq tamakkerlugu aningaasarliornerup kingorna aningaasaateqarfik piorsarsimassutikkut pikialaarutinut ukiumut tapiisarpoq 400.000,00 koruuninit, tapiisarnerlu ukiut tamaasa nalilersorneqartaluni. Ukiumut tapiissutit 400.000,00 koruuniusut aallaaveqarput Katuaq-p kommunemi piorsarsimassutsikkut illorsuaaneranut 200.000,00 koruunit, allallu 200.000,00 koruunit Katuaq-p kommunet akornini akimortumik suliniutinut aaqqissuisuusarneranut. Tapiissutit ulluinnarni ingerlatsinermut atoqqusaanngillat.

Taamaaliornikkut pisariaarulluni Katuaq suliniutinut mikisunut annertussusimikkullu akunnattunut tapiiffigineqarnissamut qinnuteqartajaarnissaa, illuatigut pisussaaffeqarluni tapiissutit sunut atorneqarsimanerinik nalunaarusiortarnikkut ilisimatitsisarluni.

Taseralik

NunaFonden-ip 2008-mi sarsuatitsilluni isiginnaartitsissummik pisaarnermut atatillugu 600.000,00 koruuninit piorsarsimassutsikkut illorsuarmut Taseralik-mut tapiissuteqarpoq.

Nunarsuaq tamakkerlugu aningaasarliornerup aporfiunerata tungaanut aningaasaateqarfik piorsarsimassutsikkut suliniutinut ukiut pingasunut atuuttumik tapiissuteqaraluarpoq.

Nunarsuaq tamakkerlugu aningaasarliornerup kingorna aningaateqarfik piorsarsimassutsikkut pikialaartitsinermut atugassanik ukiumut tapiissuteqartarpoq 200.000,00 koruuninit. Taseralik-mut tapiissutit aallaaveqarput Taseralik kommunemi piorsarsimassutsikkut illorsuaammat. Tapiissutit ulluinnarni ingerlatsinermut atoqqusaanngillat.

Taamaaliornikkut pisariaarulluni Taseralik suliniutinut mikisunut annertussusimikkullu akunnattunut tapiiffigineqarnissamut qinnuteqartajaarnissaa, illuatigut pisussaaffeqarluni tapiissutit sunut atorneqarsimanerinik nalunaarusiortarnikkut ilisimatitsisarluni.

Sermermiut

Nunarsuaq tamakkerlugu aningaasarliornerup aporfiunissaata tungaanut aningaasaateqarfik ukiunut pingasunut atuuttumik ukiumut 100.000,00 koruuninit piorsarsimassutsikkut pikialaartitsinermut atugassanik tapiisarnissamut isumaqatigiisuteqaraluarpoq.

Nunarsuaq tamakkerlugu aningaasarliornerup kingorna aningaasaateqarfik ukiumut piorsarsimassutsikkut pikialaartitsinermut atugassanik 200.000,00 koruuninit tapiissuteqartarpoq, ukiut tamaasa nalilisorneqartartuni.

Taamaaliornikkut pisariaarulluni Sermermiut suliniutinut mikisunut annertussusimikkullu akunnattunut tapiiffigineqarnissamut qinnuteqartajaarnissaa, illuatigut pisussaaffeqarluni tapiissutit sunut atorneqarsimanerinik nalunaarusiortarnikkut ilisimatitsisarluni.

Puilasoq

Naliginnaasumik Puilasoq ukiumut 200.000,00 koruuninit tapiiffigineqaraluarpoq, kisianni Puilasoq sivisuumik oqummik ajornartorsiuteqarneq pissutigalugu ukioq tamaat atorneqarneq ajorpoq. 2016-mi immikkut akuersissuteqarneq aallaavigalugu piffissani aalajangersimasuni ammasassaaq, tamatumunnga atatillugu Puilasoq piorsarsimassutsikkut pikialaartitsinissanut tapiiffigineqarluni 40.000,00 koruuninit, piffissani aalajangersimasuni piorsarsimassutsikkut innuttallu illorsuaattut ammanissamut naapertuussakkanik.

Taamaaliornikkut pisariaarulluni Puilasoq suliniutinut mikisunut annertussusimikkullu akunnattunut tapiiffigineqarnissamut qinnuteqartajaarnissaa, illuatigut pisussaaffeqarluni tapiissutit sunut atorneqarsimanerinik nalunaarusiortarnikkut ilisimatitsisarluni.