Timersorneq

Kalaallit Nunaanni Timersortartut Kattuffiat

Kalaallit Nunaanni Timersortartut Kattuffiat (ulluinnarni taaneqartartoq GIF) ukiut tamaasa nalilersorneqartumik tapiiffigineqartarpoq 300.000,00 koruuninit. Tapiissutit atorneqartartussaapput siunertanut aalajangersimasunut, aamma ukiut tamaasa nalunaarusiornikkut sunorpiaq atorneqarsimanerinut nalunaarusiornikkut uppernarsaaffigineqartussanut. Tapiissutit kattuffiup ulluinnarni ingerlanneqarneranut atoqqusaanngillat.

Elite Sport Greenland

Elite Sport Greenland (siusinnerusukkut Team Grønland) pilersinneqarneraniit NunaFonden aningaasaliisut pingaarutillit akornanniippoq. Nunarsuaq tamakkerlugu aningaasarliornermik nalaanneqarnissap tungaanut pingaarnertut aningaasaliisutut isumaqatigiissut ukiunut pingasunut atuuttussatut isumaqatigiissutigineqartarpoq, ukiumut 125.000,00 koruuninit naleqartumik.

Nunarsuaq tamakkerlugu aningaasarliornerup qaangernerani aningaasaateqarfik ukiut tamaasa nalilersorneqartartumik siunertanut aalajangersimanerusunut tapiissarpoq 125.000,00 koruuninit. Tapiissutit sumut qanorlu atorneqarsimanerinut ukiut tamaasa Elite Sport Greenland akuerineqartussamik nalunaarusiortarpoq. Tapiissutit kattuffiup ulluinnarni ingerlanneqarneranut atoqqusaanngillat.