Qinnuteqarnissamut killigititat nutaanerit

Killigititat nutaat, atuutilersut 15. september 2015

Ukiut kingulliit qilingiluat atuussimapput qinnuteqarnissamut killigititat kinguneqartut soorlu septemberimi qinnuteqartoqarpat inaarummik akineqassallutik novemberip naanerani. Siulersuisut nalilersorsimavaat ilaatigut qaammatip pingasut akissummik utaqqisariaqarneq sivisuvallaartoq.

Taamaattumik qinnuteqarnissamut killigitat nutaat atuutiperput 15. september 2015. Taakkulu kinguneqarlutik soorlu septemberimi qinnuteqartoqarpat inaarummik akineqassallutik oktoberimi ulluinnaq kingullermi.

Taama sivikilliineq kinguneqarpoq siusinnerusukkut itisilerutinik ullunik 14-ninik piffissaliisarnerput 15. september 2015-miit qinnuteqaatit itisilernissaannut piffissaq ullunut 7-narnut periarfissaqalermat.

Imaalerput:

Qinuteqaatit:

  • januarimi tigusat inaarinnissummik akissutisissapput februarip naanerani
  • februarimi tigusat inaarinnissummik akissutisissapput martsip naanerani
  • martsimi tigusat inaarinnissummik akissutisissapput april naanerani
  • aprilimi tigusat inaarinnissummik akissutisissapput majip naanerani
  • majimi tigusat inaarinnissummik akissutisissapput augustip naanerani
    (aasaanerani sulinngiffeqartoqarnera pissutigalugu)
  • junimi tigusat inaarinnissummik akissutisissapput augustip naanerani
    (aasaanerani sulinngiffeqartoqarnera pissutigalugu)
  • julimi tigusat inaarinnissummik akissutisissapput augustip naanerani
  • augustimi tigusat inaarinnissummik akissutisissapput septemberip naanerani
  • septemberimi tigusat inaarinnissummik akissutisissapput oktoberip naanerani
  • oktoberimi tigusat inaarinnissummik akissutisissapput novemberip naanerani
  • novemberimi tigusat inaarinnissummik akissutisissapput decemberip naanerani
  • decemberimi tigusat inaarinnissummik akissutisissapput januarip naanerani

Piviusunngortilersaakkat (projekter) siulersuisut ataatsimiinnissaat sioqqullugu aallartereersimasut imaluunniit naareersimasut tapiiffigineqarsinnaanngillat.

Assersuutigalugu septemberimi qinnuteqaruit inaarniliinermik siulersuisunit akineqassaatit oktoberimi ulluinnaq kingulleq. Aasarpiaanerani siulersuisut akissteqartarnerisa allaanera maluginiaqqunarpoq.

Akuersissutit nittartakkatsinni takuneqalersinnaapput kingusinnerpaamik qaammatip naanerani ulluinnaq kingulleq.

Qinnuteqaatit AFS-imut tunngasut, nunani allanni minnerpaamik ukiup affaanik sivisussusilimmik oqaatsinit ilinniarnernut tunngasut, meeqqat atuarfiiniit, innarluutillit atuarfiiniit atuartut paasisassarsiorluni angalanernut tunngasut qinnuteqarnermut tunngatillugit allanit killeqartinneqarput.

Uani najugaqarpugut – tikilluarit

Aqqusinersuup umiarsualivimmi isuaniippugut

Malugiuk google map atorlugu Aqqusinersuaq 48 ujaraanni torinngiinnarmut innersuussisarmat, tamanna google map-imut aaqqeqqusareeraluarparput, kisinanni paasivarput google map kukkuneq ajortoq…

bykort med NunaFonden som destination

.
NunaFonden 2014-mi aasaaneraniit Royal Arctic Line-p ataatsimoorussamik allaffeqarfiani umiarsualivimmiittumi allaffeqalerpoq, Aqqusinersuaq 48, 2. th (illorsuaq aappalaartoq Nuup umiarsualiviani siullertut inisseqqasoq).

Ilinniarnertuunngorniat soraarummeernissat

GUX Aasiaat, soraarummiissapput 29. juni 2016
NunaFonden sinnerlugu Hans Aronsen peqataasoqassaaq.

GUX Sisimiut, soraarummiissapput 28. juni 2016
NunaFonden-imiit Steffen Petrussen peqataassaaq.

GUX Nuuk, soraarummiissapput 23. juni 2016
NunaFonden-imiit Steen Lynge peqataassaaq.

GUX Qaqortoq, soraarummiissapput o1. juli 2016
NunaFonden-imiit Vivian Motzfeldt peqataassaaq.

Nalunaarusiortoqarnera pitsaaneruleraluarpoq

Nalunaarusianit nalunaarsuineq 20. oktober 2015

Akuersissutit tamarmik piumasaqaatitaqarput aningaasat qanoq sumullu atorsimanerinik piffissaq aaliangersimasoq nalliutsinnagu nalunaarusiortoqarsimassasoq. Taamaallaat akuersissummik pisimasut 46,41%-iinnaat nalunaarusiorsimapput – tamanna suli pitsaanerusinnaagaluarpoq.

Tamanna akuersissummik pisimasut aaqqiiffigisariaqaraluarpaat, tassami siusinnerusukkut tapiiffigineqarsimasut nalunaarusiorsimanngitsut qinnuteqaqqikkaluarunik akuersissummik tuninissaat assut ajornakusoormat, immaqalu ilumoornerulluni oqaraanni ajornakusoorluni.

Neriuppugut piffissami aggersumi nalunaarusiutit amerlasuut tigujumaarlutigit. Eqqaamaqqunarpoq nalunaarusiornermi qinnuteqaatip normuata eqqaaneqarnissaa.

Ajoraluartumik akuersissummik pisimasut attavigiuminaapput, tassa adresset imaluunniit e-mail adresset allanngorsimaneri pissutaallutik.

Eqqaaqqinneqassaaq – qinnuteqartoqarpat siusinnerusukkut akuersissummut suli nalunaarusiorsimanngitsunik allatut ajornartumik akuersissummik pinissaq ajornakusoorsinnaavoq.

Siusinnerusukkut akuersissummik pisimaguit ilinnut ikiorluarniaruit qanittukkut nalunaarusiortariaqarputit.

Aningaasaateqarfiup ukiumoortumik nalunaarusiai

Naatsorsuutit (ukiumoortumik nalunaarut) 2005 – 2006 tunngasut – uani
Naatsorsuutit (ukiumoortumik nalunaarut) 2006 – 2007 tunngasut – uani
Naatsorsuutit (ukiumoortumik nalunaarut) 2007 – 2008 tunngasut – uani
Naatsorsuutit (ukiumoortumik nalunaarut) 2008 – 2009 tunngasut – uani
Naatsorsuutit (ukiumoortumik nalunaarut) 2009 – 2010 tunngasut – uani
Naatsorsuutit (ukiumoortumik nalunaarut) 2010 – 2011 tunngasut – uani
Naatsorsuutit (ukiumoortumik nalunaarut) 2011 – 2012 tunngasut – uani
Naatsorsuutit (ukiumoortumik nalunaarut) 2012 – 2013 tunngasut – uani
Naatsorsuutit (ukiumoortumik nalunaarut) 2013 – 2014 tunngasut – uani
Naatsorsuutit (ukiumoortumik nalunaarut) 2014 – 2015 tunngasut – uani
Naatsorsuutit (ukiumoortumik nalunaarut) 2015 – 2016 tunngasut – uani

NunaFondenip naatsorsuutai 1. junimiit 31. majimut ingerlapput.