NunaFonden-imut tikilluarit

Avammut nalunaarut

Pinngortitaq tassaarsuartitsimmat attungaasunut tapiissuteqarneq

Aningaasaateqarfiup siulersuisuisa Nuugaatsiami, Niaqornani Illorsuarnilu innuttaasut oqqunneqartariaqarsimasut, aamma suli nassaarineqanngitsunut ilaqutaasunut migisinneqatiginninnertik oqaatigerusuppaat.

NunaFonden aningaasaliivoq:

……..500.000,00 koruuninit

taakkulu meeqqat inuusuttullu pingaarnerutillugit atorneqassallutik.

Tapiissutit kommune suleqatigalugu siunertanut arlalinnut atorne­qassapput.

Pisut alianartut tamatsinnut attuipput, qanortoq tamatta ikio­qa­ti­giinnitsigut suleqatigiinnitsigullu nukittorsarneqarisi.

Inussiarnersumik inuulluaqqusillunga

Vivian Motzfeldt
Siulittaasoq
.

Nalunaarut

Suliaqarnermut atatillugu angalasariaqarneq pissutigalugu:

  • allaffik matoqqassaaq
  • 26. juni – 10. juli 2017

ullut taaneqartut ilanngullugit.

Tamatuma kingorna saaffiginnissutit tulleriiaarlugit akissuteqarfigineqarumaarput.
+

NunaFonden naatsumik

Aningaasaateqarfik NunaFonden Kommuneqarfik Sermersooq-mi angerlar-simaveqarpoq. Aningaasaateqarfillu Nunatsinni tamanut iluaqutaasinnaasunut ajunngitsuliuutaasinnaasunullu tapiissuteqarsinnaanermut siunertaqarluni.

Ukioq tamaat qinnuteqartoqarsinnaavoq. Qinnuteqarnissamut killigititat aamma qinnuteqaatissiaq word aamma qinnuteqaatissiaq pdf nittartakkamiippoq, periarfissaavorlu toqqaannartumik qinnuteqaatissiap immersorsinnaanera.

Aningaasaateqarfiup siulersuisuisa qinnuteqaatit tiguneqartut qinnuteqarnissamut killigititat aallaavigalugit nalilersortarpaat, taamaaliornerullu kingorna itigartitsisinnaalluni akuersissuteqarsinnaalluniluunniit. Aningaasaateqarfiup siulersuisui namminerisaminnik aallaavilimmik tunniussisinnaassuseqarputtaaq. Siulersuisut sumulluunniit pituttorsimanngissuseqartumik qinnuteqaatit nalilersorneqareernerisigut tapiiffigineqarsinnaapput inoqatinut ajunngitsuliornerit, isumaginninnermut tunngasut, peqqinnermut tunngasut, piorsarsimassuseqarnermut tunngasut aamma timersornermut siunertallit. Siunertaasunut akuersissuteqartoqartillugu naliginnaasuuvoq piffissalikkamik nalunaarusiortoqarnissamik piumasaqarneq.

Taaneqareersut saniatigut piviusunngortilersaarneqarsinnaasunut ataasiakkaanut eqqaaneqareersutut siunertalinnut suliniuteqartunut  inunnut ataasiakkaanut tapiisoqarsinnaavoq. Taamaaliortoqartillugu naliginnaasuuvortaaq piffissalikkamik nalunaarusiortoqassasoq.

Meeqqat atuarfiini atuartut paasisassarsiorlutik angalanerinut, paarlaaqatigiinnerit (udvekslingsophold) aamma oqaatsinik ilinniagaqarniarluni paarlaaqatigiinnerit meeqqanut inuusuttunullu 18-it inorlugit ukiulinnut qinnuteqaatit suliarineqarneri tapiissutaasullu immikkut aaliangersungaareerput.

Naliginnaasumik tapiiffigineqarneq ajorput inuit ataasiakkaat pisariaqartitaannut tunngasut, inuit ataasiakkaat ilinniagaqarnerannut tunngasut, peqatigiiffiit ulluinnarni ingerlanneqarnerannut pigisaannullu tunngasut, ingerlatsiviit ullluinnarni ingerlanneqarnerannut pigisaannullu tunngasut, oqartussat ingerlatsiviisa ulluinnarni ingerlanneqarnerannut pigisaannullu tunngasut, inuussutissarsiornermullu tunngavissunut tapiisoqartarani, upperisarsiornikkut aallutanut imaluunniit politikkilerinermut tunngasunut siunertalinnulluunniit tapiisoqarneq ajorlunittaaq.

Naatsorsuuteqarfiusup ingerlanerani isertitaasut tamakkerlugit atortariaqanngitsutut siulersuisut naliliippata tamaaliornerup kingunerisaanik sinneqartoorutit naatsorsuu-teqarfiusumut tulliusumut aningaasat atunngitsuukkat ikaartinneqarsinnaapput.

takorluuineq neriunnerlu – qinnuteqaateqarlutit misilitsigut